December 31, 2015

Tagged Under: , , , ,

Saranga disasekara & Umali thilakaratne love story

By: Blog Poster On: 8:01 AM

සාරංග තියා කිසිම කෙනෙක් එක්ක යාළුවෙන්න මට වුවමනාවක් තිබුණේ නෑ - උමාලි

කවදාවත් පරණ නොවෙන ආදර කතා අතරට සාරංගගෙයි උමාලිගෙයි ආදර කතාවත් දැන් එකතු වෙලා. ඒ සාරංගයි උමාලියි ජනප්‍රිය නිසාම නමෛයි. ඒ බැඳීම ආදර”ය නිසා. ඒ ආදර කතාවේ පරණ මතක ටිකක් ආයේ මතක් කර ගන්න අපි හිතුවා. පරණ මතක අලුත් කර ගනිමින් උමාලි අපිට කියපු දේවල් තමයි මේ.

සාරංගව මුලින්ම දැකපු දවස මතකද?
මුලින්ම දැක්කේ ර්‍ණහත්දින්නත් තරු” කියන වැඩසටහනේ. ඒ තිරයෙන්. ඇත්තටම දැක්කේ සඳවත සේයා ටෙලිනාට්‍යයේ මුහුරත් උත්සවයේදී.

මුල්ම මුණ ගැහීමට කලින් සාරංග ගැන අහලා තිබුණු දේවල්?
අහලා තිබුණේ නම් අඩුවෙන්. හැබැයි හත්දින්නත්තරු වැඩසටහනේදී දැකපු වෙලාවේ නම් මට හිතුණා ටිකක් වැඩිපුර කතා කරන කෙනෙක් කියලා. ඇත්තටම වචන හසුරුවන්න එයාට හොඳ හැකියාවක් තියෙනවානේ.

මුලින්ම දැකපු වෙලාවේ ඇතිවුණු හැඟීම?
විශේෂ හැඟීමක් ඇතිවුණේ නැහැ. හැබැයි සාරංගම මගේ ළඟට ඇවිත් කතා කළා. ඒක හඳුනාගැනීමක් විතරයි. ඒ වෙලාවේ නම් මට හිතුණා නිහතමානී සුහද කෙනෙක් කියලා.

ඒ කා‍ලේ සාරංගට වඩා උමාලි ජනප්‍රියයිද?
මම මුලින්ම කරපු ටෙලි නාට්‍ය ඒ වෙද්දී විකාශය වෙලා තිබුණේ. ආසයි මං පියාඹන්න චිත්‍රපටයේ මම හිටපු සිංදුවත් ඒ දවස්වල ගොඩක් ජනප්‍රියයි. ඒ නිසා ගොඩක් අය මාව දැනගෙන හිටියා.

උමාලි සාරංගගේ රසිකාවියක් වෙලා හිටියේ නැද්ද?
අපි දැන හඳුනාගන්න කලින් මම උනන්දුවෙන් සාරංගගේ නාට්‍ය බලලා නැහැ. හරියටම කිව්වොත් සාරංග ගැන මම වැඩිය දැනගෙන හිටියේ නැහැ.

සාරංග එක්ක මුලින්ම රඟපාද්දී කතා කරගන්න බැරිවුණා කියන්නේ ඇත්තද?
අපිට කරන්න තිබුණේ ආදරය ප්‍රකාශ කරන්න යන දර්ශනයක්. ඇස් දිහා බලාගෙන කතා කරන්න තිබුණේ. අපි දෙන්නටම මුල්ම වතාවේ ඒ දර්ශනය කරගන්න බැරි වුණා. දෙන්නම හරි අපහසුතාවට පත්වුණා. ඒකට හේතුව අදටත් අපි දන්නේ නැහැ

ආදරේ ගැන මුල්ම ඉඟිය ලැබුණේ?
සාරංගගෙන් තමයි. හැබැයි මම ප්‍රතිචාර දැක්වූයේ නැහැ. ඒ සාරංගට තියෙන අකමැත්තක් නිසා නමෛයි. මට කා එක්කවත් ඒ වගේ සම්බන්ධයක් හදා ගන්න ඒ කා‍ලේ උවමනාවක් තිබුණේ නැහැ.

ආදරේට හම්බවුණු මුල්ම තෑග්ග?
ආදරේට හම්බ වුණු තෑග්ග කියන්නේ අපි යාළුවුණාට පස්සේ ආපු මගේ පළවෙනි උපන් දිනේට දීපු තෑගි තමයි ටෙඩී ඛෙයාර් කෙනෙකුයි රෝස පාට රෝසමල් ‍පොකුරයි. නිල් පාට ගල් අල්ලපු රිදී පාට ජුවලරි සෙට් එකයි.

සාරංග දුන්නු මුල්ම තෑගිවලින් උමාලි කැමැතිම තෑග්ග?
ටෙඩී ඛෙයාර් තමයි. මම ඒ ටෙඩී ඛෙයාර්ව ජපානෙත් අරගෙන ගියා. මම යන ගමන්වලට ගොඩක් වෙලාවට මම ඒ ටෙඩී ඛෙයාර්ව අරගෙන යනවා. අනිත් තෑගිවලටත් කැමතියි. ඒ තෑගි හැම එකක්ම අදටත් මගේ ළඟ තියෙනවා.

වැඩිපුරම තරහ ගියපු දවස?
එහෙම විශේෂ දවසක් නැහැ. ‍පොඩි ‍පොඩි රණ්ඩු වෙන වෙලාවල් තියෙනවා. ඒවා ඉතින් එහෙම මග හැරිලා යනවා.

සාරංග නිසා දුක හිතුණු දවස් තියෙනවාද?
එයා කවදාවත් මට දුක හිතෙන දේවල් කරන කෙනෙක් නමෛයි. සමහර වෙලාවල් තියෙනවා. මම ම හිතෙන් දේවල් හදාගෙන දුක්වෙන ඒ දේවල් මම ම කල්පනා කරලා තේරුම් ගත්තා.

වැඩිපුරම තෑගි දීලා තියෙන්නේ?
අපි තෑගිවලින් දේවල් සමරන්නේ නැහැ. හැබැයි එක එක හේතුවලට වැඩිපුරම දේවල් සාරංගට දීලා තියෙන්නේ මම.

ඒ දීපු දේවල් සාරංග ළඟ තාම තියෙනවාද?
ඒක හරියටම අහන්න ඕන එයාගෙන් මම දැකලා නම් තියෙනවා අම්මා ඒ ගොඩක් තෑගි අරන් තියලා තියෙන හැටි.

සාරංගගේ අම්මාව මුණ ගැහුණු මුල්ම දවස?
සඳවත සේයා ෂූටිං යන්න සාරංගව ගන්න වෑන් එක ගෙදරට ගියපු දවසක.

එදා මොකද වුණෙ?
මම වෑන් එකෙන් බැහැලා වැන්දා. එච්චරයි.

දකින්න කලින් සාරංගගේ අම්මා ගැන තිබුණු හැඟීම මොකක්ද?
විශේෂයක් නැහැ. හැබැයි ඩේන්ටී රසපැන කරපු කා‍ලේ දැකලා තිබුණු නිසා ප්‍රසන්න හැඟීමක් තිබුණා.

උමාලිගේ පෙනුම සාරංගගේ අම්මා තරුණ කා‍ලේ වගේ කියන්නේ ඇත්තද?
කට්ටිය නම් කියනවා. කට්ටිය කියනවා නම් ඒක හරි ඇති.

ජපානේ යන්න අහද්දී සාරංග කියපු දේ?
එපා කිව්වේ නැහැ. මොකද එයා දැනගෙන හිටියා මම යන්නේ ඉගෙන ගන්න කියලා. එයා කිව්වේ පරෙස්සමෙන් ගිහින් වැඩ ටික කරගෙන එන්න කියලා.

ආදරේ වැඩිපුරම දැනුණු දවස?
අපේ වෙඩින් එකට දවස් දෙක තුනකට කලින් ර්‍ණමහ රජ ගැමුණු” රූපගත කිරීම් තිබුණා අනුරාධපුරේ. අපේ ගෙවල්වල අයත් රූපගත කිරීම් බලන්න ආවා. හැබැයි රූපගත කිරීම් කරන්න රෑ වුණා. අපේ අම්මලාට ගෙදර යන්න රෑ වෙලා තිබුණු නිසා ඒ වෙලාවේ සාරංග කිව්වා එයා මාව බලාගන්නම් අම්මලාට යන්න කියලා. එදා රෑ සාරංග නිදි වරාගෙන මගේ ළඟටම වෙලා ඉඳගෙන මාව බලා ගත්තා. එදා නම් පුදුම තරමේ ආදරයක් හිතට දැනුණා.

එතකොට සාරංගව ඇඬෙව්වේ?
මම එයාව හිතලා අඬවලා නැහැ. හැබැයි වෙඩින් එකට කලින් දවසේ මට ඕන වුණා එයා හම්බවෙලා කතා කරන්න. එදා මම රෝස මලකුත් අරගෙන ගිහින් දණහිස බිම තියලා රෝස මල එයාට දීලා කිව්වා මෙච්චර කාලෙකට මගෙන් වරදක් වුණා නම් මට සමාවෙන්න කියලා. මාව බඳින්න කියලත් කිව්වා. එහෙම අහන්න හේතුවකුත් තිබුණා. එයා දවසක් කිව්වා විවාහ යෝජනා කරන්නේ පිරිමි ළමයානේ. වෙනසකටත් එක්ක ඔයා මට ‍ප්‍රො‍පෝස් කරන්න කියලා. ඒ කතාව මතක් වෙලයි මම එහෙම කළේ. ඒ වෙලාවේ සාරංගයි මමයි දෙන්නම ඇඬුවා.

නෙලූෂා සිල්වා
ඡායාරූප - චමිල කරුණාරත්න


saranga umali (1) saranga umali (3) saranga umali (4)
Description: Sri Lankan celebrities Saranga Disasekara, Umali Thilakaratne, Gossip, Actors, Actress,
Loading...