July 19, 2016

Tagged Under:

pavithra madhubani amarasinghe - Wasuliya Akka

By: Blog Poster On: 9:39 AM
Pavithra Madubhani Amarasinghe

වාසුලිය නිසා පවිත්‍රා ජනප්‍රියයි පවිත්‍රා නිසා වාසුලිය ජනප්‍රියයි

ඇය පවිත්‍රා මධුභානි අමරසිංහ. නම තරමක් ආගන්තුක වුවද ඇගේ රුව නම් ආගන්තුක නොවේ. පසුගිය වසරකට ආසන්න කාලයක සිට ඇගේ නිවේදන දිවිය ගෙවී යන්නේ ජාතික රූපවාහිනියේ සෞන්දර්යාත්මක වැඩසටහන් වන ~වාසුලිය~ හා රිදම් හිට්ස් සමඟය. මේ හින්දම පවිත්‍රා දැන් බාල, තරුණ, වැඩිහිටි, කොයි කාගේත් ආදරයට ගෞරවයට ලක් වූ ඔවුන්ගේම කෙනෙක් වගෙයි. ශ්‍රී ලංකාව පුංචිම පුංචි රටක් වුණත් මේ පුංචි රටේ සිදුවන්නේ මොහොතින් මොහොත වෙනස් වෙන සුවිශේෂී දේවල්. කවදාවත් එපා නොවෙන, නොදුටු බොහෝ දේ ඒ අතර. මේ සුවිශේෂී තොරතුරු ගොන්නක සම්පිණ්ඩනය තමයි ~වාසුලිය~. වාසුලියත් එක්ක අරුම පුදුම ගමනක යෙදෙන පවිත්‍රා අපේ ආලින්දයට ගොඩ වදින්නේ සෑම සෙනසුරාදා දිනයකම රාත්‍රී 9.00ට. මේ පවිත්‍රා එහෙම නැතිනම් ~වාසුලි අක්කා~ මට හමු වූ මොහොතයි.* වාසුලිය ඔබට වාසනාව ගෙනා හැඩයි?

ඇත්තටම ඔව්. නිවේදිකාවක් වෙන්න මං හීනෙකින්වත් නොහිතපු කෙනෙක්. පානදුර බාලිකා විද්‍යාලයෙන් උසස් අධ්‍යාපනය ලබපු මං දැන් නීති විද්‍යාලයේ 2වන වසරේ ශිෂ්‍යාවක්. මුලින්ම මං ප්‍රේක්ෂකයන් අතරට ආවේ නිරූපිකාවක් ලෙසයි. ඉන්පසුව ටෙලිනාට්‍ය කිහිපයකම රංගනයට දායක වුණා. ඒ අතර ~රැවන්මාලිගා~,~තූර්යා~,~සිහින පියාපත්~ විශේෂයි. ජාතික රූපවාහිනියෙ අවුරුදු කුමාරි තරගයෙන් අවසන් 10 දෙනා අතරට මං එකතු වුණේ 2010 වසරේදියි. රංගන ශිල්පිනියක් විදිහට කටයුතු කරපු මට නිවේදනයේ දොරටු විවිර වෙන්නේ ජාතික රූපවාහිනියේ වැඩසටහන් නිශ්පාදක රවී අබේවික්‍රම නිසා. ඔහු අධ්‍යක්ෂණය කරන ~වාසුලිය~,රිදම් හිට්ස්~ , වැඩසටහන්වල නිවේදිකාව මම. මේ වැඩසටහන් නිසා ලංකාවේ මම ජනප්‍රිය චරිතයක් බවට පත්වෙලා.

*  පාසලේ දී ඔබ නිවේදනයට හපනෙක් වෙන්න ඇති?

පාසල් සමයේ මම හරිම බියගුළු, අහිංසක චරිතයක්. නිවේදනයට හපනෙක් නෙවෙයි. පන්තිය ඉස්සරහට ගිහින් කතාවක්වත් කරගන්න බැරි තත්ත්වයකයි මම හිටියේ. ඒත් පාඩම් විෂය මාලාවට මම දක්ෂයි. උසස් පෙළ ඉතා හොඳින් සමත් වුණා. නීති විද්‍යාලයට තේරුණේ මගේ අප්පච්චිගේ බලාපොරොත්තු ඉටු කරමින්. ඒ ගැන විශාල සතුටක් තිඛෙනවා. ඉගෙන ගෙන මේ තත්ත්වයට ආ එක ගැන මගේ හිතේ වගේම මව් පියන්ගේ හිත්වලත් ලොකු සතුටක් තිඛෙන්නේ. දැන් නම් ඕන මහ රැස්විමක වුණත් චකිතයක් නැතිව කතා කරන්න පුළුවන් පන්නරයක් මට තියෙනවා.

කොහොම වුණත් ~වාසුලිය~ සම්මුඛ පරීක්ෂණයට ආ දවස මගේ ජීවිතයේ අමතක නොවන සිහිවටනයක්. එක පාරින්ම මම නිවේදනය අල්ලා ගත්තා. නිවේදනය කියන්නේ මට මගේ ජීවිතය වගේ. මේ හින්දම ද කොහෙද ~වාසුලියට~ වගේම ~රිදම්හිට්ස්~ වලටත් මගේ හිතේ තිඛෙන්නේ පුදුමාකාර බැඳීමක්.

*  ඔබ අභියෝග බාර ගන්න චරිතයක්ද?

වාසුලිය නිසාම අභියෝග නම් දැන් මට සුළු දෙයක්. ~වාසුලිය~ත් අරගෙන ලංකාවේ ඕනෑම තැනකට අපි යනවා. නීති ශිෂ්‍යාවක් විදිහට කටයුතු කරන මට වාසුලිය කියන්නේ ප්‍රායෝගික අත්දැකීම් වගේම දැනුම ලැඛෙන තෝතැන්නක්. කාන්තාවන්ට යන්න බැරි තැන්වලට පවා මට යන්න සිදුවෙනවා. ඒ අවස්ථාව ලැබුණේ වාසුලිය නිසයි.

*  පොඩි ළමයි ඔබව හොඳින්ම දන්නේ ~වාසුලි අක්කා~ කියලා නේද?

ඔව්. පොඩි ළමයි හැමදෙනාම මාව දැක්ක ගමන් මගේ ළඟට ඇවිත් වාසුලි අක්කේ කියලා අතින් අල්ල ගන්නවා. මම වාසුලියේ පළමු වතාවට ප්‍රසන්ට් කළේ විනාඩි 03ක වගේ කාලයක කොටසක්. එතැනින් තමයි නිවේදනය අරැඹුවේ. අද වෙන කොට ප්‍රධාන නිවේදිකාව ලෙස මම පත්වෙලා.

*  වාසුලිය නිසා ඔබට හිමිවන අත්දෑකීම් විශාලයි...?

එය දැන් මම දිනපතාම මුහුණදෙන අත්දෑකීම් බවට පත්වෙලා. මොන තරම් අමාරු කාර්යයක් වුණත් මට දැනෙන්නේ සාමාන්‍ය දෙයක් ලෙසයි. මම බෝගල පතලට බැහැපු දවස නම් ජීවිතේ කිසිදාක අමතක වෙන්නේ නැහැ. බඹ හතළිස් ගාණක් පහළට දෝලාවෙන් බැහැපු එකම ලොකු අභියෝගයක්. හුස්ම ගන්න බැරිව ඒ ගිය ත්‍රාසජනක ගමන අදටත් හීනයක් වගේම සතුටක්. මට හිතෙන්නේ පළමුවතාවට තමයි. එවැනි තැනකට කාන්තාවක් ගියේ. ඒ අභියෝගය මම සාර්ථකව ජය ගත්තා. මේ වැඩසටහන වෙනුවෙන් ඕනෑම අභියෝගයකට මුහුණ දෙන්න මම සූදානම්.

ෆ වාසුලිය ගැන ඔබට දැනෙන්නේ කුමක්ද?

මම හිත්නේ මගේ වාසනාවට ලැබුණු වැඩසටහනක් මෙය. මෙය හුදෙක් වින්දනාත්මක වැඩසටහනක් නෙවෙයි. අධ්‍යාපනය, දැනුම, වින්දනය වගේම තමන්ගේ සැගවුණු දක්ෂතා දියුණු කර ගන්න හැමදේටම හොඳ මාර්ග උපදේශකත්වයක් මෙ‍මඟින් ලැඛෙනවා.

ෆ මේ වැඩසටහන නිසා ඔබ ලැබූ අත්දැකීම් අපමණ ඇති?

පසුගිය දවසක මේ වැඩසටහන කරන්න අපි මුල්ලේරියාවේ මානසික රෝහලට ගියා. විවිධ මානසික රෝග ඇති අය එතැන හිටියා. මම නිවේදන කටයුතු කරන අතරතුර මානසික පීඩනයට ලක් වූ කාන්තාවන් දෙන්නෙක් දෙපැත්තෙන් ඇවිත් මගේ මුහුණ සිප ගත්තා. මට ඔවුන් ගැන දුකක් දැනුණා. ඒ වගේම තමයි මේ වැඩසටහනත් අරගෙන අපි වික්ටෝරියා වැඩිහිටි නිවාසෙට ගියා. එහි හිටපු වයසම ආච්චි අම්මා සෙම පෙරාගෙන තමයි හිටියේ. ඇය එතරමටම වයසයි. ඇගේ ඇස් දෙකේ කඳුළු පිරිලා තිබුණා. මම එදා ඇයට බත් කැව්වා. ඇයට කවපු අතින්ම මමත් බත් කෑවා.අද අපි මොනතරම් ලස්සනට සිටියත් අපිට එවැනි කාලයක් එනවා.මෙවැනි සංවේදී සංසිද්ධීන් වගේ ම ත්‍රාසජනක අත්දැකීමුත් මට ලැඛෙනවා. තල්මසුන් බලන්න ගිය ගමන එවැනි අත්දැකීමක්. මුහුදේ පැය ගණනක් ඉන්න සිදුවුණා. මට සී සික් පවා ඇති වුණා.

ෆ ඔබට නිවෙසින් ලැඛෙන සහයෝගය මොන වගේ ද?

ගෙදරින් මුලදි පොඩ්ඩක්වත් කැමැති වුණේ නෑ. ම‍ගේ තාත්තා ව්‍යාපාරිකයෙක්. ඔහු තිලක් අමරසිංහ. අම්මා මල්කාන්ති අමරසිංහ. ඇය රජයේ කෘෂිකර්ම දෙපාර්තමේන්තුවේ සේවය කරනවා‍. එකම මල්ලී අකිල අමරසිංහ‍. ඔහු මොරටුව විශ්වවිද්‍යාලයේ ඉංජිනේරු ශිෂ්‍යයෙක්. මගේ ගෙදරින් විශාල සහයෝගයක් ලැඛෙනවා. මල්ලි තමයි හැම තැනටම මං එක්ක එන්නේ. පුදුමාකාර සහයෝගයක් ඔහුගෙන් ලැඛෙනවා.

ෆ රිදම් හිට්ස් වැඩසටහන ගැනත් ඔබට යමක් කියන්නට ඇති?

මේ වැඩසටහන මාත් සමඟ ඉදිරිපත් කළේ කල්ප කන්නන්ගර. ඔහුත් නීති ශිෂ්‍යයෙක්. පසුගිය දවසක ඔහු රිය අනතුරකින් මිය ගියා. ජූනි 09 වැනිදා.‍ එදා තමයි මගේ උපන් දිනය‍. එය මට තවමත් වේදනාව ගෙන දෙන සිදුවීමක්. මමයි කල්පයි මේ වැඩසටහන සජීවීවයි ඉදිරිපත් කළේ. එක දවසක් අපි වැඩසටහන කරමින් හිටි මැදිරිය ගිනි ගත්තා. එකපාරටම ගිනිපුපුරු විසිවෙවී වයර් උණුවෙවී ගිනි ගන්න පටන් ගත්තා. කර කියා ගන්න දෙයක් නැහැ. රවී අයියා ඉක්මනටම කමර්ෂල් එකකට ගිහින් අපි දෙන්නව වෙනම මැදිරියකට අරගෙන ගියා. මොන තරම් වේගයකින් මම දිව්වද කිව්වොත් දුවපු පාරට කකුල දොරක හැප්පුණා. කකුලේ ලේ ගලනවා. ඒ සියල්ල විදදරා ගෙන පැය 2ක් පුරා ඒ වැඩසටහන කරගෙන ගියා.

තුෂාරි නේරංජා වික්‍රමසිංහ

ජායාරූප- මහින්ද විතානච්චි  








Description: Pavithra Madubhani Pavithra Madubhani Amarasinghe Photo with Upcoming Fashion
Loading...