November 21, 2016

Tagged Under: ,

Astrology predictions of end of the year 2016

By: Blog Poster On: 6:48 AM

නව වසරේ ඉරණම විසඳන මෙම වසරේ අවසන් ග්‍රහ මාරුව

2016 වසර නිමාවීමට තවත් ඇත්තේ මාස එකහාමාරක පමණ කාලයකි. මෙම වසර අවසානය පිළිබඳ නොයෙක්‌ දෙනා විවිධ අනාවැකි හා අදහස්‌ දක්‌වයි.

විශේෂයෙන් මේ වසර අවසානයේ පවතින ග්‍රහචාරය අප රට ආශ්‍රිතව මෙන්ම ලංකා කේන්දරය හිමි කුම්භ ලග්නය ආශ්‍රිතවද එතරම් සුබදායක නොවන බවත්, මෙම අසුබ හා බාධාකාරී ග්‍රහචාරයේ බලපෑම නිසාවෙන් අප රට ආශ්‍රිතව ප්‍රබල කාලගුණ විපර්යාස මෙන්ම දේශපාලන, සමාජීය, අධ්‍යාපන, ආර්ථීක ඇතුළු අංශ වල කැපී පෙනෙන වෙනස්‌කම් ඇතිවන බවත් කියවේ.
එම නිසාවෙන් මෙවැනි වෙනස්‌කම් සිදුවේද? නැද්ද? මේ පිළිබඳ කුම්භ ලග්නය හිමි අප රටේ කේන්ද්‍රය හා පවතින ග්‍රහ චාරය ආශ්‍රයෙන් විමසා බැලීමකි.

ලංකා කේන්දරය හිමි කුම්භ ලග්නයේ ලග්නාධිපති වන සෙනසුරු ග්‍රහයා කුම්භයේ 10 වැන්නේ හෙවත් වෘශ්චිකයේ සතුරු රාශිගත ගමනද තවදුරටත් අපට මෙන්ම අප රටට කිසිසේත් යහපත් නොවන්නේය. එසේම කේතු ලග්න ගතවත්, රාහු 7 වැන්නේත් ගුරු හෙවත් බ්‍රහස්‌පති සතුරුව කුම්භයේ 8 වැන්නේත්, ගමන් කිරීම මෙන්ම අඟහරු හා බුධගේ ගමනත් සූර්යාගේ ග්‍රහ ගෝචරයත් සලකා බැලු කල මෙන්ම මෙම 2016 වසරේ වසර පුරාවට ග්‍රහ යුද්ධ 12 ක්‌ පමණ සිදුවූ අතර මෙම වසරේ අවසන් ග්‍රහ යුද්ධය ලෙස එළඹෙන නොවැම්බර් 24 වන ගුරු දින බුධ හා සෙනසුරු අතර සිදුවන ග්‍රහ යුද්ධයත් එයින් සෙනසුරු පරාජයට පත්ව බුධ ග්‍රහයාට ජය හිමිවීමත් මත ඉහත සඳහන් ක්‌ෂේත්‍ර වල කැපී පෙනෙන වෙනස්‌කම් ඇතිවනු ඇත.

මෙම ග්‍රහ මාරුන් සමගින් කුම්භ ලග්න ලංකා කේන්දරය තුළ ග්‍රහ පිහිටීම යම් පමණක අසුබවාදී බවක්‌ පෙන්නුම් කරනු ඇත. ලංකා කේන්දරය හිමි කුම්භයේ කුජ බලවත් වීම අප රටට නම් යහපත් නොවනු ඇත. එසේම වෘශ්චිකයේ අවසන් අංශක කීපයේ සෙනසුරුගේ ගමනද තවදුරටත් අපට යහපත් නොවන්නේය. විශේෂයෙන් භූමිය සම්බන්ධයෙන් දැනෙන විපත්කාරී අසුබ තත්ත්වයන් ඇතිවනු ඇත. වැසි තත්ත්වයේ කැපී පෙනෙන වර්ධනයක්‌ සමගින් තද වැසි සමගින් ප්‍රබල ගංවතුර තත්ත්වයක්‌ මෙන්ම කඳුකරය ආශ්‍රිතව කැපී පෙනෙන නායයැම් තත්ත්වයක්‌, භූමි කම්පා තත්ත්වයක්‌ මෙන්ම කැපී පෙනෙන ගිනි ගැනීම් හා පිපිරීම් තත්ත්වයන් ද ඇති විය හැකිය. එමෙන්ම අප රට ආශ්‍රිතව විශේෂයෙන්ම කාම අපරාධ යම් පමණකින් ඉහළ යන කාලයක්‌ වනු ඇත.

එම නිසාවෙන් මෙම කාලයේ තරුණ ගැහැනු දරුවන් ගැන දෙමාපියන් විශේෂයෙන් අවධානය යොමු කළ යුතුය. කුඩා දරුවන් ඉතාමත් පරිස්‌සම් කරගත යුතු කාලයකි. විශේෂයෙන් තරුණ තරුණියන් තම තමන්ගේ චරිතය මෙම කාල සීමාව තුළ ආරක්‌ෂා කර ගැනීමට වගබලා ගත යුතුය. තරුණ ආවේගයන් ඉස්‌මතු වන කාල සීමාවකි. එසේම ජනතාව අතර නොසන්සුන්තා, උද්ඝෝෂණ, පෙළපාලි ඇති වන කාලයකි. කාලගුණ විපර්යාස, ප්‍රබල රිය අනතුරු හා ගුවන් යානා අනතුරු ද ඇති වන කාලයකි. හදිසිි අනතුරු නිසාවෙන් ලේ ගැලීම් ඇතිවන කාල සීමාවක්‌ නිසා ඒ පිළිබඳ සැලකිලිමත් වීම වැදගත් වනු ඇත. නොවැම්බර් 24 වන ගුරු දින බුධ හා සෙනසුරු අතර සිදුවන ග්‍රහ යුද්ධයෙන් සෙනසුරු පරාජයට පත් වීමත් කුම්භය කුජ හා සිකුරුගෙන් පීඩා වීමත්, ගුරු සතුරුව 8 වැන්නේ වීමත් හේතුවෙන් අධ්‍යාපනයේ හා විශ්වවිද්‍යාල හා පාසල් ආශ්‍රිතවද කැපී පෙනෙන ගැටලූ‍ ඇති විය හැකිය.

විපත් බහුල අසුබ කාලයක්‌ උදාව ඇති නිසාවෙන් ඔබ අප පරිස්‌සම් විය යුතු කාලය එලඹ ඇත. මේ වන විට රවි ග්‍රහයාද නීච ග්‍රහ චලිතයක නිරත වීමත් හේතුවෙන් මෙරට ප්‍රසිද්ධ දේශපාලනඥයන්ට අපල දායක වනු ඇත.

කෙසේ වෙතත් මෙම ග්‍රහ මාරුවන් සමගින් නව නිෂ්පාදන කටයුතු වර්ධනය වනු ඇත. රට තුළ නව දේශපාලන පක්‌ෂ ජනතාව අතර ජනප්‍රිය වනු ඇත. එසේම දේශපාලන ලෝකය නිතර උණුසුම් වන හා පුවත් මවන කාලසීමවක්‌ වනු ඇත. එසේම ක්‍රීඩා අංශ වල උද්‍යෝගිමත් ප්‍රගතියක්‌ ඇතිවන අතර තරුණයන් අතර කැපී පෙනෙන උද්‍යෝගයක්‌ ඇති වේ. නීති අංශ වල ආන්දෝලාත්මක නඩු තීන්දු මෙන්ම කැපී පෙනෙන වර්ධනයක්‌ ඇති වන කාලයකි.

වසර අවසානයේ ග්‍රහ චාරයේ ලග්න පලාපල
මේෂ ලග්නය


වියදම් පක්‌ෂය අධික වන අතර අධ්‍යාපන කටයුතුවල නිරත වන්නේ නම් ඒ සඳහා බාධා හා කරදර විටින් විට ඇතිවිය හැකිය. යාන වාහන පැදවීමේදී සැලකිලිමත් වන්න. රැකියා වල නිරත අය තම රැකියා ස්‌ථානයේ බුද්ධිමත්ව කටයුතු කිරීම තුළින් එම ස්‌ථාන බාධා බොහෝ දුරට සමනය කර ගත හැකිය. රැකියා අපේක්‌ෂිත අයගේ ඒ පිළිබඳ බලාපොරොත්තු තරමක්‌ ප්‍රමාද වන අතර ශරීර සෞඛ්‍ය කෙරෙහි අවධානය යොමු කරන කල්හි කොන්දේ අමාරු, මුත්‍රා අමාරු, වැනි රෝග පීඩා හටගැනීමේ අවදානමක්‌ පවතී. ඒ පිළිබඳ සැලකිලිමත් වන්න.

වෘෂභ ලග්නය


නිතරම ගමන් බිමන් ඇති වීම නිසා කරගෙන යන වැඩකටයුතු වලට බාධා හා ප්‍රමාදයන් ඇති වෙයි. විවාහකයන්ගේ පවුල් සංස්‌ථා තුළ ගැටලූ‍ ඇති වීමට කරණු යෙදෙනු ඇත. ඒ පිළිබඳ විමසිලිමත් වන්න. නඩු හබ හෝ තමාට විරුද්ධව කරන පැමි‚ලි ඇතිවීමට හැකිය. වියදම් අධික වෙයි. මහජනයා සමග කරන කටයුතු වලදී අවුල් වියවුල් ඇති වීමට හැකි තත්ත්වයක්‌ පෙන්නුම් කරයි. කරගෙන යන රැකී රක්‌ෂා වලට අවහිර බාධා මතු වීමට ඉඩ ඇත. අසනීප වශයෙන් ලිංගාශ්‍රිත රෝගාබාධ, වාත රෝගා බාධා, හිරි වාත, අජීරණ රෝග වැනි අසනීප ඇති වීමට ඉඩ ඇත. විවාහ අපේක්‍ෂිත අයගේ බලාපොරොත්තු ඉටු වීම ප්‍රමාද වෙයි.

මිථුන ලග්නය

සතුරන්ගෙන් ජය ලැඛෙන කාලයකි. සතුරන් පරාජය කළ හැකි කාලයකි. දේපළ දියුණවන අතර සාමාන්‍යයෙන් ධන ලාභ ලැඛෙන කාලයකි. ණය ගනුදෙනු වලින් නිදහස්‌ වීමට හැකියාව ලැබේ. විවිධ වර්ගයේ ආහාර පාන ලැඛෙන කාලයකි. සුව පහසු භාණ්‌ඩ ගැනීමේ අවස්‌ථා උදා වෙයි. අධ්‍යාපන කටයුතු වලට සුබ ඵල ගෙන දෙන අතර ප්‍රමාද වී පවතින රැකියා ස්‌ථාන මාරු වීම් හෝ උසස්‌ වීම් සඳහා සුබ ඵල උදා කරනු ඇත. නිතර හිතවතුන් සමග ගමන් බිමන් යැමට අවස්‌ථාව සැලසේ. මෙම කාලයේ සමාජයේ ප්‍රසිද්ධ වීමට කාලය උදා වනු ඇත. සමස්‌තයක්‌ වශයෙන් බැලු කල සුබ ඵල ඇති කිරීමේ ප්‍රවනතාවක්‌ දක්‌නට ලැබේ.

කටක ලගනය


මෙම කාලයේ අධ්‍යාපනය ලබන ශිෂ්‍ය ශිෂ්‍යාවන්ට එතරම් සුබ ඵල උදා කරන කාලයක්‌ නොවනු ඇත. දරුපල බලාපොරොත්තු වන ඔබටද මෙම කාලය තුළ එතරම් සුබදායක ප්‍රතිඵල නොලැඛෙනු ඇත. අධික වියදම් සහිත කාලයක්‌ වෙයි. ප්‍රේම සම්බන්ධතා පවත්වන්නන්ගේ එම සම්බන්ධතා බිඳී යැමට ඉඩ ඇත. වසංගත රෝග හට ගැනීමට ඉඩ ඇත. වැඩිමල් දරුවන්ට හෝ ශිෂ්‍යයන්ට මෙම කාලය තුළ විවිධ අන්දමේ බාධා කරදර ඇති වෙයි. නම්බුනාම ලැබේ. අනාගත බලාපොරොත්තුවකින් සිටි යම් කාරණයක්‌ පිළිබඳ අවසන් මොහොතේදී එය බිඳී යැමට හැකිය.

සිංහ ලග්නය


වෙහෙස වන දුර ගමන් යෙදෙන කාලයකි. තම මවට වාත වේදනා ඇති විය හැකිය. මව් පාර්ශ්වයේ නෑදෑ කෙනෙකුට යම් අපල දායක තත්ත්වයක්‌ ඇති විය හැකිය. මෙම කාලයේ ව්‍යාපාර වලින් පාඩු සිදු විය හැකිය. පරණ විශාල ගෙවල් හා පරණ වාහන ලැබීමේ ප්‍රවනතාවක්‌ පවතී. ඔබට වැඩිහිටි නෑදෑයන්ගෙන් දේපළ හා යාන වාහන ලැබීමේ අවස්‌ථා උදා වනු ඇත. රැකීරක්‌ෂා කටයුතු වල යම් යම් ගැටලූ‍කාරී තත්ත්වයන් ඇති විය හැකිය. රැකියා අපේක්‌ෂිත අයගේ ඒ පිළිබඳ බලාපොරොත්තු තරමක්‌ ප්‍රමාද වන අතර ශරීර සෞඛ්‍ය කෙරෙහි අවධානය යොමු කරන කල්හි කොන්දේ අමාරු, මුත්‍රා අමාරු, වැනි රෝග පීඩා හටගැනීමේ අවදානමක්‌ පවතී. ඒ පිළිබඳ සැලකිලිමත් වන්න.

කන්‍ය ලග්නය


මෙම කාලය තුළ ඔබට යම් යම් මුදල් හා ධන ලාභ ලැබීමේ කාලයකි. මෙම කාලය ශරීර සනීපයට හේතු වන කාලයකි. සතුරන්ගෙන් ජය ලැඛෙන කාලයකි. දේපළ ලාභ ලැඛෙන කාලයකි. අසනීප වලින් සුවය ලබන කාලයකි. උත්සව වලට හා සමිති සමාගම් වලට ආරාධනා ලැඛෙන කාලයකි. ඔබගේ සමාජ තත්ත්වය මෙම සෙනසුරු මාරුවෙන් පසුව යම් ප්‍රමාණයකට ඉහළ යනු ඇත. අවිවාහක අයට මංගල යෝග උදාවේ. ඉඩම් හා ගෙවල් මිලදී ගැනීමට මෙම කාලය ඉතාම සුබ දායක වනු ඇත. විශේෂයෙන්ම පවුලේ දියුණුව ඇති වන කාලයකි. තම හිත මිතුරන් හා නෑදෑයන්ගේ ප්‍රීති උත්සව හෝ මංගල උත්සව වලට සහභාගි වීමට අවස්‌ථාව උදා වනු ඇත. දේශපාලනයේ නිරත අයට ඉතාමත් යහපත් වනු ඇත.

තුලා ලග්නය

හදිසි අනතුරු හා යම් යම් බාධා ඇතිවන කාලයකි. ධන හානි ඇති වේ. ශරීරයේ ඇති ලස්‌සන අඩු වන අතර ශරීර ශක්‌තිය හීන වීමට කාරණා යෙදේ. දේශපාලනයේ නිරත අයට ඉතාමත් අයහපත් වනු ඇත. මුදල් අතේ නොරැඬෙන අධික වියදම් ඇතිවන කාලයකි. මෙම කාලය තුළ ඔබට මිල මුදල් අතින් තද බල අගහිඟතා ඇති වීමට හැකිය. ඔබ විවාහක නම් තම පවුල තුළ යම් යම් ගැටලූ‍ හා ප්‍රශ්න ඇති වීමට ඉඩ ඇති බැවින් ඒ පිළිබද සැලකිලිමත් වන්න. පහසුවෙන් දත් දිරායැමකට හෝ දත් සම්බන්ධ රෝගාබාධ ඇතිවිය හැකිය. විශේෂයෙන්ම උගුරේ ආසාදන ඇති වීමට හැකියාවක්‌ පවතී. මුහුණේ ලප කැළැල් ඇති විය හැකිය.

වෘශ්චික ලග්නය

බලාපොරොත්තු රහිත අධික වියදම් ඇති විය හැකිය. වැටීම්, තැලීම්, සීරීම් මෙන්ම මානසික පීඩා හා දිගු කාලීන රෝගාබාධ හට ගැනීමේ ප්‍රවනතාවක්‌ පවතින බැවින් ඒ පිළිබඳව කල්පනාකාරී වන්න. ඔබගේ පවුලේ කෙනෙකුට හෝ හිතවතෙකුට කරදරයක්‌ හෝ විපතක්‌ ඇති වීමට හැකිය. මෙම කාලයේ නඩු හබ වලට යැමෙන් ඒවායින් ජය ගත නොහැකි අතර එය තමාට ඉතාම අවාසි සහගත වනු ඇත. රැකියා ස්‌ථානයේ විවිධ කරදර බාධක ඇතිවන කාලයකි. ඔබ විවාහක නම් තම පවුල් ජීවිතය තුළ ප්‍රශ්න හා ගැටලූ‍කාරී තත්ත්වයන් ඇති විය හැකිය. ඒ පිළිබඳව සැලකිලිමත් වන්න. ඹබට තම දරුවන්ගේ කටයුතු වෙනුවෙන් වෙනදාට වඩා වෙහෙස මහන්සි වී කටයුතු කිරීමට සිදුවනු ඇත. සෞඛ්‍ය තත්ත්වය පිළිබඳව අවධානය යොමු කිරීමේදී හිසේ ආබාධ මාසික පීඩා තත්ත්වයන් ඇති විය හැකිය. තම සහෝදර සහෝදරියන් සමග මත ගැටුම් ඇති විය හැකි බැවින් ඒ පිළිබඳව සිය අවධානය යොමු කිරීම තුළින් එම තත්ත්වයන් අවම කර ගැනීමට හැකියාව ලැඛෙයි.

ධනු ලග්නය

ඔබගේ වැය පක්‌ෂය ඉහළ යන අතර නමුත් අතේ මුදල් රැදෙන කාලයකි. රැකියා බලාපොරොත්තුවෙන් සිටින ඔබට එම බලාපොරෝතු ඉටු වීමේ ප්‍රමාදයක්‌ ඇති වන අතර රැකියා වල නිරත අයගේ එම රැකියා ස්‌ථාන වල යම් යම් ගැටලූ‍ ඇති වීමට හැකියාව පවතී. ඔළුවේ කැක්‌කුම් ස්‌නායු ආබාධ මුත්‍රා ආබාධ, වාත රෝග වැනි රෝග පීඩාවන්ගෙන් ආරක්‌ෂා විය යුතුය. විදේශ ගත වීමට බලාපොරොත්තුවෙන් සිටිනවානම් ඒම කාරණා සම්බන්ධයෙන් යම් යම් ගැටලූ‍ කාරී තත්ත්වයන් ඇති විය හැකිය. වැටීම්, තැලීම්, සීරීම් මෙන්ම මානසික පීඩා හා දිගු කාලීන රෝගාබාධ හට ගැනීමේ ප්‍රවනතාවක්‌ පවතින බැවින් ඒ පිළිබඳව කල්පනාකාරී වන්න. ඔබගේ පවුලේ කෙනෙකුට හෝ හිතවතෙකුට කරදරයක්‌ හෝ විපතක්‌ ඇති වීමට හැකිය. අධ්‍යාපන කටයුතු සම්බන්ධයෙන් මෙම කාලය ඔබට එතරම් සුබ දායක නැත. ස්‌ත්‍රීන් නිසා කරදර ඇති විය හැකිය.

මකර ලග්නය


ඔබට සමපල ගෙන දෙන පිහිටීමකි. මෙම කාලය ශරීර සනීපය ඇති කරන කාලයකි. මේ කාලය මිශ්‍රඵල දායක වේ. ලිපිලේඛන හා නිර්මාණාත්මක කටයුතු සඳහා හොඳයි. කාන්තා පක්‌ෂයෙන් විශේෂ උදවු උපකාර හිමිවේ. දරු ඵල අපේක්‌ෂිත අයට දරු ඵල උදාවනු ඇත. අවිවාහක අයට මංගල යෝජනා උදාචේ. රැකියා අංශ වල විසිතුරු භාණ්‌ඩ අලෙවිය වැනි අංශවලින් ආර්ථීක වාසි හිමිය. අධ්‍යාපනයට සම්බන්ධ අයට ඒ කටයුතු වලින් දක්‌ෂතා ගෙනදෙයි. සේවක ගැටළු හා ගෘහ නිර්මාණයකට සම්බන්ධව ගැටලූ‍ පැනනැගීමට හැකිය. වා, පිත් සම්බන්ධ රෝගා බාධ හට ගැනීමට අවස්‌ථා ඇත. ස්‌වයං රැකියා වල නිරතවන්නන්ට සුබ දායකය. රෝග වලට හරියට ප්‍රතිකාර නොගත්තොත් ඒවායේ සුවය ප්‍රමාද වනු ඇත. ගෘහ ජීවිතය සතුටුදායකය. රැකියාවේ උසස්‌ වීම් වගේම වෙනස්‌වීම්ද බලාපොරොත්තු විය හැකිය. නීතියට එරෙහිව කටයුතු කිරීම නිසා මුදල් හෝ රැකියාවේ පාඩු සිදු විය හැකිය. සෞඛ්‍ය තත්ත්වය යහපත්ය.

කුම්භ ලග්නය


ඔබට මෙම කාලය මිශ්‍රඵල දායක වෙයි. ධනය අතින් යහපත්ය. උසස්‌ අධ්‍යාපන අවස්‌ථා උදාවේ. ව්‍යාපාර අංශවලට සුබදායක වේ. රැකියා අංශ තුළ කලකිරීම් ඇතිවන අතර හදිසි වෙනස්‌ වීම්වලට හේතු වේ. සෞඛ්‍ය අතින් දණහිස සම්බන්ධ ආබාධ ඇතිවිය හැකිය. ගේදොර කටයුතු සම්බන්ධයෙන් දැඩි කැපකිරීම් කළ යුතු වෙයි. රැකියාවේ උසස්‌ වීම් බලාපොරොත්තු විය හැකිය. නමුත් බාධා පවතී. පවුල් ජීවිතය යහපත් වන අතර ආදායම් තත්ත්වය ඉහළ යනු ඇත. අලූ‍තින් නිවාස ඉදිකිරීමට හා දේපළ මිලදී ගැනීමටත් මෙම කාලයේදී සිත යොමු වේ. ගෞරවය හා පිළිගැනීම ඔබට ලැබේවි. දරු උපත් මගින් පවුල වර්ධනය වීමට ඉඩ ඇත. ඔබට මෙම කාලය මිශ්‍රඵල දායක වෙයි. ධනය අතින් යහපත්ය. උසස්‌ අධ්‍යාපන අවස්‌ථා උදා වේ. ව්‍යාපාර අංශ වලට සුබ දායක වේ. රැකියා අංශ තුළ කලකිරීම් ඇතිවන අතර හදිසි වෙනස්‌ වීම් වලට හේතු

මීන ලග්නය


ඔබට මධ්‍යම සුබ ඵල දායකයි. අචිවාහක අයට මංගල යෝජනා උදාවේ. නමුත් බාධා ඇතිචේ. ධන ලාභ, රැකියා වාසනා, තනතුරු, ලොතරැයි වාසනා ඛෙහෝවිට උදාවේ. රැකියා අංශ වල රාජ්‍ය අනුග්‍රහය හා උසස්‌ අයගේ කීර්ති ප්‍රශංසාද ලැබේ. මහන්සියේ තරමට ප්‍රතිඵල නැතිවිය හැකිය. ඥතීන් සමග මත බේදවලට හේතු වනු ඇත. දේශපාලනයේ නිරත අයට ඉතාමත් අයහපත් වනු ඇත. පිරිමි දරු ලාභ ඇතිවන අතර සියලූ‍ අංශ වලින් සාමාන්‍ය සුබයි. ඔබගේ අධ්‍යාපනයට ඉතාම හොඳයි. ඒ වගේම රැකියා ස්‌ථානයෙන් උසස්‌ වීමක්‌ද හිමි වීමට ඉඩ තියනවා. වගේම අලූ‍තින් නිවාස ඉදිකිරීමට හා දේපළ මිලදී ගැනීමටත් මෙම කාලය සුබයි. මුදල් ඉතිරි වන කාලයකි. නව මිතුරන් ඇසුරට ලැබේ. කීර්තිය, ප්‍රශංසාව, ගෞරවය හා සමාජ පිළිගැනීම හිමිවනවා ඇත. ව්‍යාපාරවලින් ආදායම්ද හිමිය.


මිතුරන්ටත් බලන්න Share කරන්න...
Description: Astrology, Life,
Loading...