Amazone

December 28, 2016

Tagged Under: , ,

Gossip Chat With Sri Lankan Model Seshini Nimasha Hewapanna

By: Blog Poster On: 7:28 AM

මම කැමති නැහැ සිපගන්න, බදාගන්න. ඒක නිසයි මම එවැනි දේවල් කරන්නෙ. නැහැ කියලා තීරණය කරලා තියෙන්නේ. -සෙෂිනි නිමාෂා

නිරූපණ ක්ෂේත්‍රය තුළින් අද බොහෝ දෙනා කැපී පෙනෙන චරිතයන් වී හමාරය. එවන් තැනැත්තියක ලෙස සෙෂිනි නිමාෂා හැඳින්විය හැකිය. කෙටි කාලයකින් ක්ෂේත්‍රය තුළ ජනප්‍රියත්වට පත් ඇය සමග කරනු ලැබූ කතා බහකි මේ.
ඔබව හඳුන්වා දුන්නොත්?
මම සෙෂිනි නිමාෂා හේවාපන්න. ගෙදරට වෙලා ඉන්නවා. විනෝදාංශයක් විදිහට නිරූපණ කරන්න පටන් ගත්තත්, දැන් ඒක වෘත්තියක් වෙලා තියෙනවා. ඒත් එය වෘත්තියක් කරගන්න කැමති නැහැ.

ක්ෂේත්‍රයට පිවිසියේ කොහොමද?
මුලින්ම ,Hot N Spicy Cricket Song, එකෙන් තමයි ෆීල්ඩ් එකට ආවේ. ඊට පස්සේ මියුසික් වීඩියෝ දෙකක් කළා.
ලැබුණු ආරාධනා මොනවද?
මට මියුසික් වීඩියෝ සඳහා ගොඩක් ආරාධනා ලැබුණා. නමුත් මම ඒ දේවල් භාරගත්තේ නැහැ. මොකද මම කැමති නැහැ සිපගන්න, බදාගන්න දර්ශනවලට. ඒ වගේ දේවල් නැති ගීත එන්නෙ නැහැනේ. මොකද අද කාලේ තියෙන සිංදුවල එවැනි දර්ශන අනිවාර්යෙන්ම තියෙනවා. ඒ නිසා වීඩියෝ සඳහා දායක වෙන එක නතර කරලා තියෙන්නේ. ඒ වගේ නැති දෙයක් ආවොත්, භාර ගන්නවා. ඊට පස්සේ මම ක්ෂේත්‍රයෙන් ටිකක් නැවතුණා. මොකද මට කලකිරීමක් ඇති වුණා.

වෙළෙඳ දැන්වීම සඳහා ලැබුණු අවස්ථා?
ක්ෂේත්‍රයෙන් ටික කාලයක් ඈත්වෙලා ඉද්දී නිරූපණය කරන යාළුවෙක් වන මාලන් මට කතා කරලා කිව්වා ස්ක්‍රීන් ටෙස්ට් එකක් තියෙනවා ඔඪක‍ එකක. එනවද කියලා ඇහුවා. මම බැහැම කිව්වා. නමුත් එයා බලකරලා මාව එයට දායක කර ගත්තා. ඊට පස්සෙ ඒකෙන් තේරිලා ඩයලොග් වෙළෙඳ දැන්වීමක් කළා. ඊට පස්සේ මම හිතුවා මට ගැළපෙන දේවල් පමණයි කරන්නෙ කියලා. මගේ චරිතයට හානිවන දේවල් කරන්නේ නැහැ. ගොඩක් දේවල් හොයලා බලලා තමයි කරන්නේ. නොදන්න දේවල්වලට යන්නෙත් නැහැ. ඊට පස්සේ එතන ඉඳන් කළේ බ්‍රයඩල් ෂෝ විතරයි. මොකද බ්‍රයිඩල් කරද්දි චරිතයට හානිවෙන්නෙ නැහැනේ. ෆිල්ම් සඳහානම් ගොඩක් ආරාධනා ලැබුණා. නමුත් මම දායක වුණේ නැහැ. ලැබුණු හැමදේම භාරගත්තනම්, අද මීට වඩා හොඳ තැනක ඉන්න තිබුණා. ඒත් මම කළේ මට ගැළපෙන දේවල් විතරයි.

ඔබ හිතනවාද ලංකාවෙ සිප ගැනීම් සහ බදාගැනීම් නැති නිර්මාණ බිහිවෙයි කියලා?
ඒ ගැන මම දන්නවා. ඒක නිසයි මම එවැනි දේවල් කරන්නෙ නැහැ කියලා තීරණය කරලා තියෙන්නේ.

එවැනි තීරණය මත නිරූපණය ක්ෂේත්‍රය තුළ රැඳී සිටින්න පුළුවන් කියලා හිතනවාද?
මට රැඳී ඉන්න උවමනාවක් නැහැ. නමුත් කැමැතියි. ඒ වුණාට මගේ චරිතෙ නැති කරගෙන ක්ෂේත්‍රය තුළ රැඳී ඉන්න මම කැමැති නැහැ. මොනදේ වුණත් මට මගේ නම සහ චරිතය වැදගත්. ඒදේ නැති වෙනවානම් මම ක්ෂේත්‍රයෙන් සමුගන්නවා.

ඉදිරි බලාපොරොත්තු?
කාටත් කරදයක් නොවී හොඳින් ජීවත් වෙන්න තමයි බලාපොරොත්තුව.

මතක් කළ යුතු පිරිස?
මුලින්ම මගේ අම්මා තමයි මතක් කරන්න ඕන. මට ලැඛෙන වැඩ සඳහා මම යන්න අදිමදි කරනවා. එතකොට අම්ම තමයි කියන්නේ යන්න ඒ දේවල් කරන්න කියලා. එයා මට ලොකු බලාපොරොත්තුවක් දෙනවා. ඒ වගේම මගේ තාත්තා ගොඩක් සහයෝගයක් ලබා දෙනවා. එයාවත් මේ වෙලාවෙ මතක් කරන්න ඕනේ. මිගාර, බිෂාන්, තනුෂ්ක, තිලංක, කෞෂානි, ඉෂානි සහ මගේ පුංචි මතක් කළ යුතුයි. මගේ පුංචි තමා මට හැමදේම අරන් දෙන්නේ.

ඩිලාන් ක්‍රිෂාන්ත

Description: Sri Lankan Acress, Models, Gossip,
Loading...