Showing posts with label Anarkali Akarsha. Show all posts
Showing posts with label Anarkali Akarsha. Show all posts

August 5, 2017

Anarkali akarsha wants babies in Sri Lankan way

By: Blog Poster On: 6:33 AM

දරුවො හදන්න අනර්කලී ලංකාවට ඇවිත්..

බබාලව හදන්න ඕනෑ ලංකාවේ සංස්කෘතියටයි අනර්කලී ලංකාවට ඇවිත් කියපු කතාව

ආකර්ෂණීය රංගන ශිල්පිණියක් ලෙස කලක් ශ්‍රී ලාංකීය කලා ක්ෂේත්‍රයේ රැදී සිටි අනර්කලී ආකර්ශා දිගු කලකට පසු ශ්‍රී ලංකාවට පැමිණ සිටිනවා. සිය විවාහයත් සමඟ විදෙස් ගතවූ ඇය ඇමරිකාවේ ජීවත්වන අතර මෙරටට පැමිණීමෙන් පසු සති අන්ත පුවත්පතට අදහස් දක්වා තිබෙනවා.

December 20, 2014

A letter from Anarkali

By: Blog Poster On: 5:35 PM

අනර්කලී වෙතින් ඉතා ආදරයෙන්

පසුගිය දිනක විවාහ දිවියට ඇතුළත් වූ අනර්කලී ආකර්ෂා සරසවිය පාඨකයන්ට ඇයගේම අත් අකුරින් ආදරණීය සටහනක් තිබුණා.
අපි එය එලෙසින්ම පළ කරන්න හිතුවා.
කියවලා බලන්නකො ලියපු ලියුම.


December 8, 2014

Anarkali Akarsha weds

By: Blog Poster On: 8:26 AM

අනර්කලී යුගදිවියට

ඩිෂාන් ජයසිංහ කුඩා කල සිටම ඇමරිකාවේ වාසය කරන ශ‍්‍රී ලාංකිකයෙකි. ඔහුගේ පියා සුප‍්‍රකට වෛද්‍ය වෝල්ටර් ජයසිංහ මහතායි. කැලිෆෝනියාවේ ලෝස් ඇන්ජලීස් වෛද්‍ය මධ්‍යස්ථානය නමින් රෝහලක් පවත්වා යන ඔහු කෝටිපතියෙකි. ඩිෂාන් ඩොල්ෆින් ඇකඩමි හා ටේලර් කොලේජ් විද්‍යාල වලින් අධ්‍යාපනය හදාරා පසුව ව්‍යාපාරික කටයුතු සඳහා යොමු වී තිබෙනවා. මේ වන විට ඩිෂාන් ප‍්‍රයිමරි ප්‍රොවයිඩර් මැනේජ්මන්ට් නම් සමාගමක් පවත්වාගෙන යනු ලබනවා. 
 
ජනපි‍්‍රය නිළි අනර්කලී ආකර්ෂා ඊයේ (දෙසැම්බර් 06) වැනිදා අමෙරිකාවේ ජීවත් වන ශී‍්‍ර ලාංකීය තරුණයකු වන ඩිෂාන් ජයසිංහ සමග විවාහ වී තිබෙනවා. ඒ අමෙරිකාවේ කැලිෆෝනියා ප‍්‍රාන්තයේ සැන් මැරීනෝහිදීයි. ඇයගේ විවාහ කටයුතු සඳහා ඇගේ මව සමගින් අනර්කලී පසුගිය නොවැම්බර් මාසයේදී අමෙරිකාව බලා පිටත් වුණා. එසේ අමෙරිකාවට යාමෙන් අනතුරුව නොවැම්බර් මස 13 වන දින ඔවුන් දෙදෙනාගේ විවාහ ගිවිස ගැනීම සිදුව තිබෙනවා. ලබන ජනවාරි මාසයේදී අනර්කලී යළි දිවයිනට පැමිණීමට බලාපොරොත්තුවෙන් සිටිනවා.  
අනර්කලීගේ විවාහයෙන් අනතුරුව බොහෝදුරට ඇමරිකාවේ පදිංචිවන්නට ඉඩ තිබෙන අතර ඇය ලංකාවේදී සිදු කළ ඇගේ දේශපාලන වැඩ කලා වැඩ සියල්ලෙන් ඉවත්වන්නටද තීරණය කර ඇති බවයි වාර්තා වන්නේ. එසේම ජනවාරි මාසයේ දිවයිනට පැමිණෙමෙන් අනතුරුව ඇය විසින් දේශපාලනඥයින්, නළු නිළියන්, කී‍්‍රඩකයින් ආදී පිරිස් සහභාගි වන සාදයක්ද මෙරටදී පැවැත්වීමට සැලසුම් කර ඇති බවයි වාර්තා වන්නේ.

(nethfm.com)

September 28, 2010

Duminda & Anar

By: Blog Poster On: 12:44 PM

August 3, 2010

මම මුහුදට නම් පනින්නේ නෑ. එහෙම වුණොත් එයාලත් පනියි

By: Blog Poster On: 3:46 AM
ජනපි‍්‍රය සිනමාවේ අතිශය ජනපි‍්‍රය තාරකාවක වන ඈ මේ වන විට දේශපාලනය හරහා පොදු ජන මෙහෙවරට ද කැප වී සිටින්නීය. රංගන දිවියේ දී මෙන්ම දේශපාලන ලෝකයේ ද ඇයට මුහුණ දෙන්නට වූ අභියෝගයන් රැසකි. නමුදු කිසිවකින් නොසැලුණු ඈ ජය කණුව කරා ළඟා වූයේ ඒ අභියෝගයන්ට සැබෑ අභියෝගයක් වෙමිනි.
අනර්කලී ආකර්ෂා.....


 එදා රීදී තිරයෙන්, නොඑසේ නම් පුංචි තිරයෙන් පමණක් ප්‍රේක්ෂයා වෙත සමීප වූ අනර්කලී අද සැබැවින්ම ජනතාව අතරට පැමිණ, ඔවුනගේ දුක, සැප බෙදා ගනිමින් දේශපාලන ලෝකයේ ද ඉදිරියටම පිය නඟන්නීය. නිළියක ලෙසින් ඈ ගොඩ නගා ගත් ආකර්ෂණීය ප්‍රතිරූපය ඇගේ ඒ ගමන් මඟට වෙස් වළා ගත් ආශිර්වාදයක් මෙනි.
තවමත් යොවුන් වියේ පසුවන මේ සුරූපිනියට තමන් නිරතව හිඳීනා ක්ෂේත්‍රයන්හි බොහෝ දුරක් යාමට ශක්තියත්, වාසනාවත් නොඅඩුව ඇතැයි පැවසීම අතිශයෝක්තියක් නොවේ. අනර්කලී අප සමග මෙසේ පිළිසඳරේ යෙදෙන්නේ සැබැවින්ම එවැනි අනාගතයක සුබ පෙරනිමිති පහළ කරමිනි.
මුලින් අපි කතා කරමු ඔයාගේ කලා දිවිය ගැන?
මම රඟපෑ මගෝ ඩිගො ඩයි චිත්‍රපටය නැවත ප්‍රර්ශනයට නියමිතයි. මට ගොඩාක් හොඳ ප්‍රතිචාර ලැබුණා ඒ චිත්‍රපටයට. පොඩි ළමයි ඒ චරිතයට හුඟක් කැමැති වුණා. ඒ වගේම මගේ “ඉට්ස් අ මැටර් ඔෆ් ලව්”, සහ “කිං හන්තර්”, චිත්‍රපට දෙක තිරගත වෙන්න නියමිතයි. මමත් හුඟක් ආසාවෙන් ඉන්නේ ඒ ෆිල්ම් දෙක රිලීස් වෙනකල්.
ගායිකාවක් වෙන්න යනවා කියලත් ආරංචියි....?
මගේම ගීත අටක් පසුගිය දවස්වල පටිගත කළා. ඒ ගීත අට ඇතුළත් කරලා මේ අවුරුද්දේ අන්තිමට මගේ ඇල්බම් එක අවුට් කරනවා. හිපොප්, ආර් ඇන්ඩ් බී වගේ විවිධ ශෛලීන්වල ගීත එකතුවක් මේක. ආදර ගීතත් තියෙනවා. වැඩි විස්තර දැන්ම කියන්න බෑ. එතකොට අගේ නෑනේ.
වෙන.....වෙන......?
“අනර්කලී ලයිව්” ප්‍රසංගය අවුරුදු හතරක කාලයක් තිස්සේ මම ඉදිරිපත් කරනවා දෙරණ රූපවාහිනියෙන්. දිගටම ඒ ප්‍රෝග්‍රෑම් එක කරගෙන යනවා. ටෙලි නාට්‍යය කීපයකටත් කතා කළා. ඒත් කැමැති වුණේ නෑ.
ඇයි....?
වෙනස් චරිත තමයි දැන් මම හොයන්නේ. ඒ කිව්වේ අලුත් චරිත. එක තැනක කොටු නොවී වෙනස් මාවතක් හොයාගෙන යන්න ඕනෑ කියලා මට හිතෙනවා. වයසත් එක්ක අපි රඟපාන චරිතයත් වෙනස් වෙන්න ඕනෑ.
ඇයි අනර්කලී තාම තරුණයි නේ.....?
අපි හැමදාම එහෙම හිතනවා. ඒක තමයි අපේ ගොඩක් නිළියන් ගේ වැරැද්ද. හැමදාම එකම වයසක අපි රැඳීලා ඉන්නේ නැහැ.
දේශපාලනයට ආවට පස්සේ ඔයා ටිකක් වෙනස් විදිහට හිතනවා වගේ....?
දේශපාලනයත් එක්ක මම එහෙම අමුතු චරිතයක් වෙලා නැහැ. ඒත් අපි පරිණත වෙන්න, වෙන්න ජීවිතය ගැන අලුතින් හිතන්න පෙළඹෙනවා. අපි පන්සලකට ගියාම හැසිරෙන්නේ ඒ විදියට, එතකොට උත්සවයකට ගිහින් යාළුවෝ එක්ක ඉන්නේ හරි විනෝදයෙන්.
හැබැයි තව අවුරුදු දහයක්, පහළොවක් ගියත් මේ අනර්කලීම තමයි. මගේ ගති ලක්ෂණ එකයි. දේශපාලනය සදාකාලික නෑ. ඒ වගේම ජනපි‍්‍රයත්වයත් සදාකාලික නෑ. ඒත් මිනිසත්කම කියන්නේ එහෙම වෙනස් නොවන දෙයක්.
දේශපාලනයට වඩා කලාව උතුම් කියලා මතයකුත් අපේ සමාජයේ තියෙනවා. අනර්ට මොකද ඒ ගැන හිතෙන්නේ...?
මම කලා ක්ෂේත්‍රයේ ඉඳලයි දේශපාලනයට ආවේ. දේශපාලනය කියන්නේ වගකිවයුතු දෙයක්. අපට රටක් නැතිව, නීතියක් නැතිව කොහොමද කලාවක් කරන්නේ. කලාවේ ලාලිත්‍ය රැකෙන්නේ රටේ යහ පාලනයක් තිබුණොත් විතරයි.
ඒ නිසා මම නම් හිතන්නේ කලාවට වඩා සැබෑ දේශපාලනය උතුම්. හැබැයි සමහර අය නිසා අද ඒ තත්ත්වය නැතිවෙලා. එස්. ඩබ්ලිව්.ආර්. ඩී. බණ්ඩාරනායක, සිරිමාවෝ බණ්ඩාරනායක, ඩී. එස් සේනානායක යුගයේ තිබුණේ උතුම් දේශපාලනයක් කියලා මම අහලා තියෙනවා. වර්තමානයේ බොහෝ දෙනෙක් කියන්නේ දේශපාලනය වැඩක් නෑ කියලයි. මේ සංකල්පය වෙනස් කරන්න මට උවමනා වුණා.
කලා ලෝකයේ දී වඩා ඔයා දේශපාලනයේ දී නොයෙක් අභියෝගවලට මුහුණ දුන්නා....?
ඉස්සර කාලේ නිළියක් වෙනවා කියන්නේ විශාල අභියෝගයක්ලු. නිළිකම තරුණියකට ඔබින දෙයක් නෙවෙයි කියන මතය එදා සමාජයේ මුල් බැසගෙන තිබුණා. ඒත් අද නිළියෝ කොච්චර අපේ රටේ ඉන්නවද....? මම දේශපාලනයට ආවා. ඊට පස්සේ නිළියෝ ඔක්කෝම ආවා. බයවෙන්න එපා මම මුහුදට නම් පනින්නේ නෑ. එහෙම වුණොත් එයාලත් පනියිණේ.
යොවුන් රූමත් නිළියකට දේශපාලනය වගේ ගොරහැඩි විෂයයක් ගැළපෙනවා කියා ඔයා හිතනවද...?
දේශපාලනය ලේසි දෙයක් නෙවේ. මම ඒක දන්නවා. ඒ වගේම දේශපාලනය හැමෝටම හරි යන්නෙත් නැහැ. දේශපාලනයට ආවම තමුන් කියන වචනය පැත්තකට දාලා අනුන් ගැන හිතන්න ඕනෑ. තමන්ගේ මූණ ද, තමගේ නියපොත්ත ද කියලා නෑ. නිළියක් වුණත් දේශපාලනයට එන්න ඕනෑ මේ කැපකිරීම කරන්න බලාගෙන.
අනර්කලීට දේශපාලනය කරන්න තියෙන සුදුසුකම් මොනවද කියලා අහන අයත් නැතිව නෙවෙයි....?
සමහරු මම අහසින් වැටුණ කෙනෙක් කියලා හිතනවා. ඒක වැරදියි. මගේ මුත්තා එඩ්මන්ඩ් සමරක්කොඩි, ලංකාවේ පැරැණිම පක්ෂය වුණ ලංකා සමසමාජ පක්‍ෂයේ ආරම්භක සාමාජිකයෙක් එතුමා.
එතකොට මගේ සීයා තමයි රොබට් එඩ්වඩ් ජයතිලක කියන්නේ. එතුමා බණ්ඩාරනායක අගමැතිවරයාගේ ඇමැති මණ්ඩලයේ හිටපු විදුලි, බලශක්ති හා දුම්රිය ප්‍රවාහනය පිළිබඳ අමාත්‍යවරයෙක්. එයාගේ බිරිඳ ඒ කියන්නේ මගේ ආච්චි එසී සමරක්කොඩි කියන්නේ මේ රටේ නගර සභාවේ ප්‍රථම කාන්තා සභාපතිනිය. ඒ වගේ පවුල් පසුබිමක් එක්කයි මම දේශපාලනයට ආවේ.
ඔයා දේශපාලනයට ආවේ කාගෙවත් වුවමනාවට ද නැතිනම් ඔයාගේ කැමැත්තෙන් ද...?
එක්සත් ජාතික පක්ෂ කාන්තා සමිති සාමාජිකාවන් මුල ඉඳන්ම ක්‍රියාකාරී දේශපාලනයට ඇවිත් සිටියා. අපේ පක්ෂය නියෝජනය කරමින් කාන්තාවන් හා යොවුන් පරපුර වෙනුවෙනුයි මම දේශපාලනයට ආවේ. ඒක මමම හිතලා ගත්ත තීරණයක්.
අනර්කලී යන්තං ඇපෙන් බේරුණා කියලා තමයි සමහර අය ඔයාගේ ජයග්‍රහණය ගැන කිව්වේ....?
නැහැ. මට ඡන්ද ලැබුණා. විශේෂයෙන්ම ගාල්ල ජනතාවට මම ස්තූතිවන්ත වෙනවා හොඳ ජයග්‍රහණයක් ලබා දීලා මාව පළාත් සභාවට යවපු එක ගැන. පළාත් සභා ඉතිහාසයේ ලාබාලතම මන්ත්‍රීවරිය විදිහටයි මම ඒ ජයග්‍රහණය ලැබුවේ.
මාත් එක්ක දකුණු පළාත් සභාවට අපේම පක්ෂයෙන් තවත් නිළියෝ ජන්දේ ඉල්ලුවණේ. ඒත් මම තමයි තේරි පත්වුණ එකම නිළිය. මේ වෙලාවේ මට ජන්දය ලබා දුන් අයට වගේම නොදුන් අයටත් මම ස්තූතිවන්ත වෙනවා. මොකද ඒ අය වෙනුවෙනුන් මට ඉදිරියේදී ලොකු වැඩ කොටසක් කරන්න තියෙනවා.
අපේ ප්‍රවීණ නිළියන් අද පාර්ලිමේන්තුව නියෝජනය කරනවා. පාර්ලිමේන්තුව නියෝජනය කළා නම් හොඳයි කියලා හිතෙන්නේ නැද්ද....?
මටත් මහ මැතිවරණයට තරග කරන්න තිබුණා. ඒත් මට ඕනෑ වුණේ ඉස්සර වෙලා හරි විදිහට යන්න. පෙර පුහුණුවක් නැතිව පාර්ලිමේන්තුවට යන එක ජනතාවට කරන අසාධාරණයක් කියලා මට හිතෙනවා. මිනිස්සුත් එක්ක වැඩ කරලා, දැනුම වැඩි කරගෙන, එතනට ගියාම ප්‍රශ්නයක් නැහැ. එතකොට ඒ දැනුම හොඳට පාවිච්චි කරන්න පුළුවන්. තව මට දේශපාලනයේ ඉගෙන ගන්න ගොඩක් දේ තියෙනවා.
එතකොට අද පාර්ලිමේන්තුව නියෝජනය කරන අපේ ප්‍රවීණ නිළියන් ගැන ඔයා මොකද හිතන්නේ....?
ඒක ඒ අයගේ කැමැත්ත. මම හිතනවා ඒ අය හොඳට වැඩ කරගෙන යයි කියලා. මම සුබ පතනවා. දේශපාලනය කියන්නේ හරියට දේශගුණය වගේ දෙයක්. මොහොතින් මොහොත වෙනස් වෙනවා. අපිට ඒවාට ඔරොත්තු දෙන්න පුළුවන් වෙන්න ඕනෑ. අනෙක ඉස්සර වගේ නොවේ දැන් ජනතාව තමන්ගේ හැම දුකක්ම කියන්න පුරුදු වෙලා ඉන්නේ දේශපාලනඥයාට.
ජනතා ප්‍රශ්නවල මුහුණ දෙනවා කියන්නේ දේශපාලනඥයන්ට තිබෙන ලොකුම අභියෝගයක්. ඔයාට ඒ අභියෝගවලට මුහුණ දෙන්න පුළුවන් කියලා හිතනවා ද....?
මම වයසට වඩා අභියෝගවලට මුහුණ දුන්න කෙනෙක්. මුලදී මට කිව්වා රඟපාන්න බෑ කියලා. මේ වෙනකොට මට චිත්‍රපට දහ අටක රඟපාලා තියෙනවා. ප්‍රේක්ෂකයෝ මාව පිළිගත්තා. මට සිංහල කතා කරන්න බෑ කිව්වා. ඒත් රූපවාහිනී ප්‍රසන්ටර් කෙනෙක් විදිහට මම ජනතාව අතර ඉන්නවා. “අනර්කලී ලයිව්” වැඩ සටහන වසර හතරක් තිස්සේ මම කරගෙන යනවා. එතකොට “පැහැබර අහස” වැඩ සටහනත් මිනිස්සු ගොඩක් අගය කරනවා. අභියෝග මාව ගොඩක් ශක්තිමත් කළා.
කොහොමද ඉදිරියට යන්නේ කියන අවබෝධය ලබා දුන්නා. ඔය මඩ මට කිසිම ගාණක් නැහැ. ඒවායින් මාව වට්ටන්නත් බැහැ. අද නෙවේ, ඒ අය මාව වට්ටන්න හැදුවේ පොඩි කාලේ. මම ක්ෂේත්‍රයට ආපු අලුත. ඒත් ඒවා සාර්ථක වුණේ නැහැ. මම දේශපාලනයට ආවේ යොවුන් පරපුරට උදවු කරන්න තියෙන කැමැත්ත නිසා.
නළු, නිළියෝ දේශපාලනයට ආපුවාම ඒකත් තව එක රංගනයක් කියා හිතන අයත් ඉන්නවා?
මගේ දේශපාලනය නම් එහෙම රංගනයක් නෙවේ. “සරසවිය” පුවත්පතට කවදාවත් පාඨකයෝ දොස් කියන්නේ නැහැනේ. එහෙම බනින්නේ ක්ෂේත්‍රයේම උදවිය. ඒ වගේ තමයි ජනතාව මට දොස් කියන්නේ නැහැ. මම රඟපානවා කියලා ඒ අය කියන්නෙත් නැහැ. ක්ෂේත්‍රයේම අය තමයි ඔය වගේ දේවල් කියන්නේ. විශේෂයෙන්ම ගාල්ලේ ජනතාව අද දන්නවා අනර්කලී කොයි වගේ කෙනෙක් ද කියලා.
කලාව, දේශපාලනය කියන දෙකෙන් එකක් තෝරා ගන්න ඔයාට සිදු වුණොත් මොකක්ද ගන්න තීරණය....?
මම කැමැතියි මම උපන් බිමට සේවයක් කරන්න. තව වසර පහක කාලයක් මට පළාත් සභාව තුල ඉන්න තියෙනවා. ඒ කාලයේ මම මුල් තැන දෙන්නේ දේශපාලනයට. හැබැයි තව අවුරුදු දහයකින් ඒ ස්ථාවරය වෙනස් වෙන්න පුළුවන්.
පූජා උමාශංකර් එක්ක රඟපාන්න තියා අතක් උස්සන්නවත් අද ඉන්න නිළියන්ට බෑ කියලා ප්‍රවීණ රංගන ශිල්පී ලකී ඩයස් පසුගිය “සරසවිය” ට ප්‍රකාශ කර තිබුණා. අනර්කලීත් අද අපේ සිනමාවේ ජනපි‍්‍රය තාරකාවක්....?
අපි හිතුවොත් කෙනෙක් අපිට අභියෝගයක් කියලා කන්න, බොන්න ගියත්, නිදියන්න ගියත් ඒකම ඔළුවේ තියාගෙන තමයි වැඩ කරන්න වෙන්නේ. පූජා ද, මධුරි ඩික්සිත් ද කියලා මට වැඩක් නෑ. මගේ දක්ෂතා මිනිස්සු අගය කරලා තියෙනවා. මම ඒ අය වෙනුවෙන් රඟපානවා. මට කැමැති නැතිනම් ප්‍රේක්ෂකයෝ මාව ප්‍රතික්ෂේප කරයි. තාම එහෙම දෙයක් වෙලා නැහැනේ.
කලාවේත්, දේශපාලනයේත් අනර්කලී මේ වෙනකොට බොහෝ දුරක් ඇවිත්. ඒත් පෞද්ගලික ජීවිතයේ ඔයා තාමත් එක තැනක නැවතිලා කියලා හිතෙනවා?
ඒ කිව්වේ...
නැහැ ඔයාගෙම ජිවිතයේ නැවුම් වෙනසක් දැන්ම සිදු වෙන්නේ නැහැ....?
මම හිතනවා ආදරය ගැන හිතන්න කලින් මටම කියලා ස්ථාවරයක් ගොඩ නගා ගත්තොත් හොඳයි කියලා. මම කාගෙන්වත් යැපෙන්න කැමැති නැහැ. ඒක මනසට ගොඩක් සුවදායක දෙයක්. අනෙක මගේ ජීවිතයේ තව ඉටුකර ගත යුතු අරමුණු ගොඩක් තිබෙනවා.
ඒ කියන්නේ ඔයාට දැනට ආදරවන්තයෙක් නැහැ.....
නෝ ලව්..... නෝ ලවර්.... ඇත්තටම මට එහෙම ආදර සම්බන්ධයක් නැහැ. ඒ නිසා ආදරවන්තයෙකුත් නැහැ.

October 28, 2009

අනර්කලී රූ රැජිනක්‌, පළාත් සභා මන්ත්‍රිනියක්‌

By: Blog Poster On: 4:06 AM
[Anarkali_akarsha+(2).jpg]
ඔක්‌තෝබර් 10 වැනිදා පැවති දකුණු පළාත් සභා මැතිවරණයට, රූ රැජිනක්‌ වූ අනර්කලී ආකර්ෂා මෙනවියද ඉදිරිපත්ව ජයගෙන පළාත් සභා මන්ත්‍රිනියක්‌ බවට පත් වූවාය.

ගාල්ල දිස්‌ත්‍රික්‌කයෙන් එක්‌සත් ජනතා නිදහස්‌ සන්ධාන අපේක්‌ෂිකාවක්‌ වශයෙන් තරඟ කළ අනර්කලීට ලැබුණු මනාප ඡන්ද ප්‍රමාණය 26,728 කි. ඡන්දයට ඉදිරිපත් වූ ලාබාලම අපේක්‌ෂිකාව ඇය වූ අතර ජයග්‍රහණයෙන් අනතුරුව ඇය තමන්ට ඡන්දය දුන් හා නුදුන් පක්‌ෂ විපක්‌ෂ සැමටම ස්‌තුතිය පළ කිරීම, වැදගත් ගතිගුණයක්‌ හැටියට හැදින්විය හැකිය.

මීට පෙර , බස්‌නාහිර පළාත් සභා මැතිවරණය පැවති අවස්‌ථාවේද රූ රැජිනක්‌ තේරී පත් වූවාය. එක්‌සත් ජාතික පක්‌ෂයෙන් පත් වූ ඇය රෝසි සේනානායක ය.

August 26, 2009

රට වෙනුවෙන් යමක් කරන්න මේ හොඳම කාලයයි - අනර්කලී

By: Blog Poster On: 2:54 AM
ඇයි ඔබ දේශපාලනයට එන්න හිතුවේ?

මූලිකම දේ මම දේශපාලනයට කොහොමත් කැමැති කෙනෙක්. ඒකට මූලික හේතුව වෙන්න ඇත්තෙත් මගේ පවුල් පරිසරය. මගේ සීයා ආරිය ජයතිලක හිටපු ඇමැතිවරයෙක්. ඔහු හිටපු ක්‍රියාකාරී දේශපාලනඥයෙක්. ඒ වගේ ම මගේ ඥාතියකු වන එඩ්මන්ඩ් සමරක්කොඩි.

ඔහුත් ක්‍රියාකාරී දේශපාලනඥයෙක්. මේ බලපෑම, පරිසරය මට ලැබෙන්න ඇති කියලා මට හිතෙනවා. අනෙක් දේ මට පුළුවන්කමක් තියෙනවා මේ වගකීම් භාරගෙන වැඩ කරන්න. මේ මොහොතේ මගේ රට වෙනුවෙන් යමක් කරන්න හොඳම කාලය කියලයි මට හිතෙන්නේ.

මොකක්ද ඔබට දේශපාලනයට එන්න තියෙන සුදුසුකම?

“මා මුලින් කියූ පරිදි අපේ පවුල් පරිසරයෙන් ම ඒ සුදුසුකම ලැබිලා තියෙනවා. අපේ පවුලේ හිටපු දේශපාලන ක්‍රියාකාරීන් හොඳින් ඒ ඒ ප්‍රදේශවලට සේවය කරලා තියෙනවා. හොඳ දෙයක් කළොත් අමතක වෙන්නේ නැහැ මිනිසුන්ට. අද ඒ පරම්පරා අලුත්වෙලා හිටියත් ඔවුන් පවා අපේ සීයලා කළ දේවල් තවම මතක් කරනවා.

මගේ බලාපොරොත්තුවත් අපේ රටේ ජනතාව වෙනුවෙන් හොඳ දෙයක් කරන්න. ඒ වෙනුවෙන් ගොඩක් කැපවෙලා වැඩ කරන්න මම කැමැතියි. මෙහෙම දෙයක් මම කියන්න ඕන. මට වරදින්නේ නැහැ කියලා කියන්න බැහැ. නමුත් ක්‍රමානුකූ®ලව නිවැරදිව හැමදේ ම කරන්නයි මම උත්සාහ ගන්නේ.

දේශපාලනය නිසා ඉදිරියේදී ඔබේ කලා කටයුතු කොහොම වෙයිද?

“කලාව නිසා මාව බොහෝ දෙනෙක් දැන අඳුන ගත්තා. ඒ නිසා සිනමාවේ හෝ වේවා පුංචි තිරේ හෝ වේවා මගේ රසික පිරිස කවදාවත් මම අමතක කරන එකක් නැහැ.

අනිවාර්යයෙන් ම හොඳ නිර්මාණවලට මම දායක වෙනවා. තවම මට අවුරුදු 22 යි. ඒ නිසා තවම වයස තියෙනවා. කාලය තියෙනවා. හොඳ නිර්මාණවලින් කවදාවත් මම ඈත් වෙන්නේ නැහැ කියලා මම කියන්න ඕන.

අඩු වයසින් දේශපාලනයට ඒම ඉක්මන් වුණා වැඩියි කියලා හිතෙන්නෙ නැද්ද?

මම හිතන්නේ මේ කාලයේ යොවුන් පරපුර ඉදිරියට ඇවිත් කටයුතු කරන්න ඕන කාලයක්. ඉස්සර වගේ නෙමෙයි අද තරුණ වයස වනවිට තාක්ෂණයෙන් අධ්‍යාපනයෙන් මේ පිරිස පෝසත්. ගොඩක් ඉදිරියට ඇවිල්ලා. මේ අවස්ථාව මම දකින්නේ යොවුන් පරපුර නියෝජනය කරන්න ලැබුණු අවස්ථාවක් විදිහට. ඒ නිසා එය මඟ හරින්න මට අවශ්‍ය වුණේ නැහැ.

මම කැමැතියි තරුණ පරපුර ඉදිරියට එනවට. මේ රටට වැඩක් කරනවට. විදේශීය අධ්‍යාපනය දැනුම ලැබුවට කමක් නැහැ. ඒ අත්දැකීම් හරි මේ පුංචි ලංකාවට ලබාදෙන්න පුළුවන් නම් ඒ දේයි අපට රට වෙනුවෙන් කරන්න පුළුවන්. ඒ නිසා රට වෙනුවෙන් සේවය කරන්න වයස එතරම් ගැටලුවක් කියලා මම හිතන්නෑ.

පසුගිය කාලයේ කලාකරුවන් රැසක් මැතිවරණවලට ඉදිරිපත් වුණා. ඔබ මෙය දකින්නේ කොහොමද?

තමන්ගේ පෞද්ගලික කැමැත්ත නිසා ඒ විදිහට ඔවුන් එන්න ඇති. නමුත් ඒ පිළිබඳ කතා කරන්න මට අයිතියක් නැහැ කියලයි හිතෙන්නේ.

කලාවෙන් හදාගත්තු නම දේශපාලනයට සුදුසු කමක් කියල හිතෙනවද?

“මං සිනමා නිළියක් නිසා ම නෙමෙයි දේශපාලනයට එන්නේ. මට දේශපාලන පසුබිමක් තියෙනවා. මට මූලිකම දේ රට වෙනුවෙන් වැඩ කරන එක. ශ්‍රී ලාංකික හොඳ පුරවැසියෙක් වෙන එක. ජනාධිපතිතුමා බලයට ගේන්න මම වැඩ කළා. “මහින්ද චින්තනයට” මම ගොඩක් ගරු කරනවා. එතකොට මට අවුරුදු 18 යි. එදා මම විශ්වාසය තැබුවා, බය නැතුව ඉදිරියට ආවා.

දැන් අපි දකිනවා ඉදිරියට යන පාර පැහැදිලියි කියලා. අද මුළු ශ්‍රී ලංකාවම එකම ධජයක් යට ජාති භේදයෙන් තොරව සාමයෙන් ඉන්න මොහොතකට අපි ඇවිල්ලා ඉන්නේ. එවන් මොහොතක මට මේ වගේ අවස්ථාවක් ලැබීම පළාත් සභාව හරහා වැඩ කරන්න ලැබීම තුළ උපරිමයෙන් වැඩ කරන්නයි මට ඕන.

ඔබට දේශපාලනයට එන්න හිතුණෙ?

බොහෝ දෙනෙක් මගෙන් අහපු දෙයක් තමයි කවදද අනර්කලී ඔයා රට වෙනුවෙන් වැඩ කරන්නේ, දේශපාලනයට එන්නේ කියලා. තරුණ පරපුර විශේෂයෙන් මගෙන් ඒ ගැන අහනවා. ඒ නිසා ඒ අදහස මා තුළ තවත් වැඩි වුණා. ඉතිං මං විශ්වාස කළා මම මේ අභියෝගය භාරගන්නවා කියලා.”

ඒ වෙනුවෙන් මොනවද මේ දවස්වල ඔබේ වැඩ කටයුතු?

“මම බලාපොරොත්තුවෙන් ඉන්නේ නාම යෝජනා භාර දෙනකම්. එය කවදද ප්‍රකාශ කරන්නේ කියලා මම බලන් ඉන්නේ. ඒ වගේම කොයි ප්‍රදේශයද ඒ වෙනුවෙන් ඉදිරි වැඩපිළිවෙළ සකස් කරන්නත් අවශ්‍ය කියන කටයුතු මේ දිනවල සැලසුම් කරමින් ඉන්නේ.

වසන්ත ජයසිංහ ආරච්චිගේ- Silumina
Loading...